Skólinn verður settur laugardaginn 6.október nk. Kennsla hefst kl. 10:30 stundvíslega og lýkur kl. 13:00. Í skólann eru nú skráðir 27 nemendur og skiptast þeir í leikskólahóp og þrjá grunnskólahópa.

Samverustund leikskólabarna verður í umsjá  Steinunnar Pálsdóttur og Adelu Halldórsdóttur. Grunnskólahópur I  verður í umsjá Guðrúnar Grímsdóttur. Pétur Már Ólafsson mun hafa umsjón með Grunnskólahópi II og  Marion Gabriele Wiechert umsjón með elsta hópnum, Grunnskólahópi III.

Skólinn verður settur sunnudaginn 1. október nk. kl. 10:30. stundvíslega. Sú breyting hefur orðið á að kennt verður á sunnudögum á haustmisseri og á laugardögum á vormisseri.

Kennsla hefst kl. 10:30 stundvíslega og lýkur kl. 13:00. Í skólann eru nú skráðir 23. nemendur og skiptast þeir í leikskólahóp og tvo grunnskólahópa. Steinunn Pálsdóttir og Rannveig Sigríður Sigurvinsdóttir hafa umsjón með leikskólahópnum, Guðríður Vilhjálmsdóttir hefur umsjón með yngri hópnum og Marion Gabriele Wiechert umsjón með elsta hópnum.

Innan skamms hefst kennsla í Íslenska skólanum í Belgíu en skólinn hefur verið starfsræktur undanfarinn13 ár. Skipulag verður svipað og áður, 2-3 hópar á grunnskólastigi og einn leikskólahópur fyrir börn á aldrinum 3-5 ára. Endanleg samsetning í bekkjardeildir fer eftir aldurssamsetningu þeirra barna sem verða skráð við skólann í vetur. Skólinn verður í húsnæði Skandínavíska skólans í Waterloo eins og undnafarin ár.

Skólanefnd var skipuð þeim Angantý Einarssyni, Ólöfu Österby og Ástfríði Sigurðardóttur sem tók að sér formennsku. Ráðning kennara gekk vonum framar og var mikill fengur að því að fá Ásgerði Magnúsdóttur og Guðrúnu Jónsdóttur, sem báðar eru kennarar að mennt, til liðs við skólann. Ólöf Österby og Ingunn Ólafsdóttir tóku að sér leikskólahópinn sem var óvenju stór í ár. Eftir áramót flutti Ingunn til Íslands og Linda Ómarsdóttir kom í hennar stað. Eins og síðustu ár fór skólastarfið fram í húsnæði Skandinavíska skólans í Waterloo.

Vinsamlegast skráið börn ykkar í skólann fyrir 19. september þannig að unnt sé að skipuleggja skólaárið. Ráðgert er að kennsla hefjist sunnudaginn 2. október.