EURO-ICE, golfmót Íslendinga sem búsettir í Evrópu, fór fram dagana 28. september til 1. október í Disneyland París í Frakklandi. Fyrsta Euro-Ice mótið fór fram árið 1997 og var því mótið í ár það tíunda í röðinni. Þátttaka var frábær en alls skráðu 110 kylfingar sig til leiks en alls voru 140 þátttakendur um þessa helgi auk rúmlega 30 barna.  Gist var á hóteli við Disneyland og var helgin því frábær fjölskylduskemmtun. Undirbúnings- og styrktaraðilar mótsins var Landsbankinn. Mótsstjóri var Þór Thorarensen.

Leikið var golf frá fimmtudegi til laugardags við frábærar aðstæður. Á fimmtudegi var leikið í fjögurra manna Texas Scramble liðum. Á föstudegi og laugardegi var leikin einstaklingskeppni, veitt voru verðlaun fyrir samanlagðan fjölda punkta.

Boðið var upp á ferð í Disneyland skemmtigarðinn á föstudegi sem vakti mikla lukku hjá yngsta aldurshópnum. Á föstudagskvöldi var boðið til grillveislu og á laugardeginum fór fram glæsilegt lokahóf og verðlaunaafhending.

Verðlaunahafar í Texas Scramble

Verðlaunahafa í punktakeppni