Okkur langar að vekja athygli ykkar á EURO-ICE 2007 sem að þessu sinni verður haldið í Þýskalandi dagana 27.–30. september. Mótið verður haldið á Jakobsberg golfvellinum sem er í miðjum Rínardalnum og í einu sögufrægasta héraði Þýskalands. Gist verður á glæsilegu 4 stjörnu hóteli alveg við golfvöllinn.

Jakobsberg golfvöllurinn var hannaður á síðasta áratug liðinnar aldar af hinum þekkta bandaríska golvallahönnuði Robert Trent Jones. Í næsta nágrenni vallarins eru víðfeðmir skógar og tilkomumiklir kastalar auk þess sem Lorelei kletturinn, einn áhrifamesti og frægasti sögustaður í Þýskalandi, er skammt undan. Til Jakobsberg er u.þ.b. klukkutíma akstur frá flugvellinum í Frankfurt.

Nánari upplýsingar fylgja síðar.

Með góðum kveðjum og von um að sjá sem flesta á EURO-ICE 2007!
EURO-ICE
C/O ÞÓR THORARENSEN, NETFANG: THORSA@KABELFOON.NL, SÍMI: +31(0)105010780

•   Kynning (pdf)