 Íslandsfélagið í Belgíu: 07.06.2010 |
|---|
17. júní hátíðarhöld Íslandsfélagsins í Belgíu |
|---|
Dagskráin er annars sem hér segir Kl. 13:00 Kvennahlaup Kl. 14:00 Ávarp fjallkonu Kl. 14:15 Skrúðganga Kl. 14:30 Grillveisla Kl. 15:00 Leikir fyrir unga sem aldna Kl. 17:00 Dagskrárlok Að loknu kvennahlaupi og afhendingu viðurkenninga mun fjallkona ávarpa hópinn, en því næst verður gengið fylktu liði í skrúðgöngu kringum skólabygginguna. Eru foreldrar hvattir til að koma með fána fyrir börn sín, en félagið mun reyna að útvega fána fyrir þá sem ekki eiga. Grillið verður á sínum stað og munu hinir annáluðu grillmeistarar Fúsi og Kalli töfra fram pylsur í pylsubrauðum, ásamt steiktum og hráum lauk, tómatsósu og að sjálfsögðu rammíslensku sinnepi og remúlaði. Spilað verður á gítar og lagið tekið. Öllum verður boðið upp á gosdrykki og djús, en fullorðnum stendur einnig til boða bjór og léttvín meðan birgðir endast. Boðið verður upp á ýmsa leiki fyrir alla aldurshópa, s.s. kubb-spilið, krókett, flugdreka, fótbolta, körfubolta, pokaboðhlaup og boðhlaup með borðtennisbolta og spaða. Börnin fá ókeypis bland í poka fyrir þátttöku í leikjum. Ráðgert er að dagskránni ljúki eigi síðar en kl. 17:00. Dagskráin er öllum opin, en stjórnin biður þó alla þá sem ekki hafa nú þegar greitt félagsgjald fyrir starfsárið 2010-2011 að minnast þess að forsenda fyrir öflugu félagsstarfi er sú að stjórnin hafi úr einhverjum fjármunum að moða. Stjórnin. |
|---|
 |
|---|
Ólíklegt er talið að Orkustofnun geri athugasemd við þá ákvörðun Orkuveitu Reykjavíkur að hækka verð á dreifingu rafmagns um 40%.
Björgunarsveitir voru kallaðar út í dag þegar beiðni um aðstoð barst vegna bíls sem fastur var á leiðinni upp að Axarfossi á Mýrdalssandi, svonefndri Öldufellsleið. Bíllinn festist í Hólmsá en 10 erlendir ferðamenn sem í honum voru höfðu allir komist í land af sjálfsdáðum.
Stefáni Einarssyni, hönnunarstjóra voru í dag afhent fyrstu verðlaun í samkeppni Sameinuðu þjóðanna um bestu auglýsinguna til að vekja athygli á baráttunni gegn fátækt í heiminum. Soffía Spánardrottning stýrði athöfninni í Madrid, en spænski leikarinn Antonio Banderas var heiðraður við sama tilefni fyrir störf sín í þágu Sameinuðu þjóðanna.
Jón Gnarr, borgarstjóri, afhenti í dag Hvatningarverðlaun íþrótta- og tómstundaráðs Reykjavíkurborgar. Verðlaunin eru nú afhent í fyrsta sinn og er markmið verðlaunanna að vekja athygli á því starfi sem fram fer á frístundaheimilunum, veita starfsfólki frístundaheimila hvatningu og stuðla að aukinni nýbreytni og öflugu þróunarstarfi.
Stefnt er að því að skýrsla þingmannanefndar sem fjallar um rannsóknarskýrslu Alþingis verði prentuð í nótt og dreift á Alþingi á morgun.