Þriðjudagur 1.júní 2010

Dagurinn í dag var rólegur en skemmtilegur þar sem krakkarnir voru bara þrír og heyrði ég ekkert í hinum þremur. Þegar kennslunni var lokið áðan löbbuðum við saman nokkra metra þar sem var verið að setja upp sirkus og þaðan er ein myndin tekin.

Aðaláherslan sem ég legg upp úr íslenskuskólanum er að hafa sem skemmtilegast saman.  Það er voðalega skemmtilegt og frjálslegt hjá okkur þar sem við blöndum saman leikjum, málfræði og fræðslu um land og þjóð.  Krakkarnir hafa einnig fengið að spreyta sig sjálf í kennslu, þar sem þau hafa undirbúið sig smá heima og kennt bekknum eitthvað sem þeim finnst gaman að gera eða eru góð í.  Ég setti einnig af stað smá lestrarátak sem hefur gengið alveg ótrúlega vel og krakkarnir þvílíkt verið duglegir að lesa heima.  Einnig höfum við stundum farið út í leiki þegar veður er mjög gott og krakkarnir búnir að vera extra duglegir í tímanum.

Kveðja, Jana skólastjóri