Aðalfundur Leikklúbbsins Spuna verður haldinn þriðjudaginn 21. október 2008 kl. 20:30 í "Top Squash" í Sandweiler. Spunarar eru hvattir til að kynna leikklúbbinn fyrir nýju fólki og stjórnin vonast til að sjá sem flesta á fundinum.
Framlag Spuna til þorrablótsins í ár var með örlítið öðru sniði en verið hefur, leikhópurinn tók að sér að annast veislustjórn blótsins í stað þess að setja upp revíu. Var það gert með söng og dansi og einnig var endurvakinn sá gamli, góði siður að fara með minni karla og kvenna.
Ævintýraleikur fyrir börn. Þessi hugljúfa saga er hér í nýstárlegri, öllu ærslafyllri útgáfu, útfærð af leikstjóra sýningarinnar, Sigurþóri A. Heimissyni og Elfari Loga Hannessyni, leikara.
Við þekkjum hann svo vel, - eða hvað? Einleikur um þessa fornu hetju vora, sem sýnir nokkuð nýja fleti á sögunni. Leikið af Elfari Loga Hannessyni. Sérstök athygli er vakin á því að einleikurinn fer einnig fram á ensku. Sýningar á Check Inn, 7 rue de Tréves, Findel. Inngangseyrir 18€.
